რუსთავში დედა და ოთხი ბავშვი მოიწამლა. წინასწარი ინფორმაციით, ინტოქსიკაციის მიზეზი ბუნებრივი აირის ნამწვი გახდა. შემთხვევა რუსთავში, 21-ე მიკრორაიონში ერთ-ერთ კორპუსში მოხდა.
ადგილზე მობილიზებული იყო სასწრაფო სამედიცინო დახმარების ბრიგადა, საპატრულო პოლიცია და "სოკარ-ჯორჯია გაზის" ავარიული ბრიგადა. ახალგაზრდა ქალი სასწრაფო სამედიცინო დახმარების ბრიგადამ კლინიკა "რუსთავში" გადაიყვანა, ბავშვების ჰოსპიტალიზება კი ქალაქის ბავშვთა საავადმყოფოში მოხდა. საავადმყოფოში გადაყვანისას ხუთივე კონტაქტური იყო.