აბაშის მუნიციპალიტეტის მერი ლევან მაკალათია ფაროსანასთან ბრძოლის მართვის ცენტრში გამართულ შეხვედრას დაესწრო

აბაშის მუნიციპალიტეტის მერი, ლევან მაკალათია, მარტვილი-აბაშის მაჟორიტარი დეპუტატი, პარლამენტის აგრარულ საკითხთა კომიტეტის თავმჯდომარე, ოთარ დანელია და სამეგრელო-ზემო სვანეთის სახელმწიფო რწმუნებული, ალექსანდრე მოწერელია, გარემოს დაცვისა და სოფლის მეურნეობის მინისტრის, ლევან დავითაშვილის მიერ ორგანიზებულ შეხვედრას დაესწრნენ, რომელიც აბაშის მუნიციპალიტეტში, აზიურ ფაროსანასთან ბრძოლის მართვის ცენტრში გაიმართა,- ამის შესახებ „ინტერპრესნიუსს“. აბაშის მუნიციპალიტეტიდან აცნობეს.

მათივე ინფორმაციით, შეხვედრის მონაწილეები დასავლეთ საქართველოში მავნებელთან ბრძოლის ღონისძიებების მიმდინარეობას გაეცნენ, ისაუბრეს მონიტორინგის შედეგების შესახებ, დაათვალიერეს სპეციალური ტექნიკა.

„წლევანდელი წელი აზიურ ფაროსანასთან ბრძოლის კუთხით, იქნება გაცილებით შედეგიანი და წარმატებული. ვინაიდან გვაქვს მავნებელთან ბრძოლის საკმაოდ დიდი გამოცდილება. ასევე მნიშვნელოვანია მოსახლეობის ჩართულობა, აბაშის მუნიციპალიტეტის მერია კვლავ დაეხმარება მოსახლეობას მექანიკური ღონისძიებების ჩატარებაში. სახელმწიფოს, მუნიციპალიტეტისა და სტრუქტურული ერთეულების კოორდინაციით, შედეგი ეფექტური იქნება,“_განაცხადა სამუშაო შეხვედრაზე ლევან მაკალათიამ.

შეხვედრას ზუგდიდის მუნიციპალიტეტის მაჟორიტარი დეპუტატი, ედიშერ თოლორაია, აჭარის სოფლის მეურნეობის მინისტრი, ტიტე აროშიძე ესწრებოდნენ.

აზიურ ფაროსანასთან ბრძოლის საკოორდინაციო შტაბის ხელმძღვანელმა, ლაშა შალამბერიძემ დეტალურად ისაუბრა მავნებელთან ბრძოლის ძირითად პრინციპებზე.

მიმდინარე წელს მავნებელთან ბრძოლის საწინააღმდეგო ღონისძიებებისთვის 250 ერთეული ტექნიკაა მობილიზებული. ამ ეტაპზე სურსათის ეროვნული სააგენტოს მცენარეთა დაცვის სპეციალისტები მავნებლის იდენტიფიცირების მიზნით მონიტორინგს ახორციელებენ. შეწამვლითი სამუშაოები, მონიტორინგის შედეგების მიხედვით დაიგეგმება. 2019 წელს აზიური ფაროსანას წინააღმდეგ გასატარებელი ღონისძიებების დაფინანსებისთვის, სახელმწიფო ბიუჯეტიდან, 45 მილიონი ლარია გამოყოფილი.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე