გორის მუნიციპალიტეტში, სოფელ მერეთში მომხდარი ავტოსაგზაო შემთხვევის შედეგად 4 წლის ბავშვი გარდაიცვალა.

სასოფლო გზაზე მსუბუქი ავტომანქანა სახლის წინ ფეხით მოსიარულე ბავშვს დაეჯახა. მცირეწლოვანი ბიჭი შემთხვევის ადგილზევე გარდაიცვალა.

ავტომანქანის მძღოლი ამავე სოფლის მკვიდრია, მას შემთხვევის ადგილი არ მიუტოვებია და პოლიციაში თავად გამოცხადდა.

მომხდარ ფაქტზე გამოძიება სისხლის სამართლის კოდექსის 276_ე მუხლის მეექვსე ნაწილით მიმდიანრეობს, რაც თავისუფლებას აღკვეთის ვადით 4-დან 7 წლამდე ითვალისწინებს.