ბათუმში, ფერიის დასახლებაში სასაფლაოები გაძარცვეს. როგორც ცნობილია, სასაფლაოებიდან ბრინჯაოსა და სპილენძის ბარელიეფები არის წაღებული.
მოსახლეობა მომხდარზე მკაცრ რეაგირებას ითხოვს.
„ოთხი დღეა სასაფლაოებს ქურდავენ. ექვსი საფლავი გაქურდული იყო, გუშინ ჩემი ხელით გავწმინდე სურათი, დღეს აღარ დამხვდა. აქ ღამის დარაჯი თუ არ დაინიშნა, არაფერი გვეშველება“, - განაცხადა სასაფლაოების მომვლელმა ქეთო ბაკურიძემ.
ფაქტზე შინაგან საქმეთა სამინისტრომ გამოძიება „სისხლის სამართლის კოდექსის" 258-ე მუხლით დაიწყო, რაც მიცვალებულისადმი უპატივცემულობას გულისხმობს და 2 წლის ვადით თავისუფლების აღკვეთას ითვალისწინებს.