თქვენ ხართ სახელმწიფო ინსტიტუტის ხელმძღვანელი და არ შეიძლება საკუთარი თავი გამოაყენებინოთ პარტიის თავმჯდომარეს, - ასე მიმართა ეროვნული ბანკის პრეზიდენტს კობა გვენეტაძეს „ევროპული საქართველოს“ წევრმა ოთარ კახიძემ პარლამენტის რიგგარეშე სხდომაზე.
როგორც კახიძემ „თიბისი ბანკის“ საქმეზე საუბრისას განაცხადა, თავისი საქციელით კობა გვენეტაძე ეროვნული ბანკის მნიშვნელობას აკნინებს.
„თქვენ ხართ სახელმწიფო ინსტიტუტის ხელმძღვანელი და არ შეიძლება საკუთარი თავი გამოაყენებინოთ პარტიის თავმჯდომარეს თუ პოლიტიკურ ზედამხედველს ინსტრუმენტად. არ შეიძლება ეს არც თქვენთვის პირონულად, რადგან თქვენც ცხოვრობთ ამ ქვეყანაში, თქვენს სიტყვასაც ფასი უნდა ჰქონდეს და მეორე - არ შეიძლება ეს გააკეთოთ, რადგან ამით ეროვნული ბანკის მნიშვნელობას აკნინებთ. ყველა ეს მოქმედება ხომ დროებითია? ჩვენ ამას გავიგებთ, რაც ისედაც ვიცით, მაგრამ სააშკარაოზე გამოვა. მერე შეგრცხვებათ იმ საქციელის, რომელიც გულისხმობს ეროვნული ბანკის ინსტრუმენტად გამოყენებას პოლიტიკური ხელმძღვანელობის ხელში“, - განაცხადა კახიძემ.
ცნობისთვის, პარლამენტის რიგგარეშე სხდომაზე დღეს ეროვნული ბანკის პრეზიდენტის, კობა გვენეტაძის მოსმენა გრძელდება.
