თორნიკე რიჟვაძე - 9 აპრილი საქართველოს ისტორიაში დარჩება, როგორც თავისუფლებისთვის ბრძოლის სიმბოლო

ბათუმის შოთა რუსთაველის სახელმწიფო უნივერსიტეტში 9 აპრილის მოვლენებიდან 30 წლისთავისადმი მიძღვნილი საღამო გაიმართა. უნივერსიტეტში შეკრებილმა სტუდენტებმა 9 აპრილს განვითარებული მოვლენები გაიხსენეს და პატივი მიაგეს დაღუპული გმირების ხსოვნას. შეხვედრას აჭარის მთავრობის თავმჯდომარე დაესწრო და საქართველოს ისტორიაში 9 აპრილის მნიშვნელობაზე ისაუბრა.

,,9 აპრილს პატივს მივაგებთ სამშობლოსათვის დაღუპულ გმირთა ხსოვნას და ამავე დროს, ვზეიმობთ საქართველოს დამოუკიდებლობის აღდგენას. 9 აპრილი საქართველოს ისტორიაში დარჩება, როგორც სიმამაცის, თავისუფლების, ქართული სულის გამოღვიძებისა და თავგანწირვის სიმბოლო. თავისუფლებისთვის ბრძოლას ახალგაზრდა ადამიანების სიცოცხლე შეეწირა. მადლობა მათ ამ თავდადებისთვის და მოპოვებული თავისუფლებისთვის. ეს იყო უდიდესი ტესტი ჩვენი უახლესი ისტორიის განმავლობში, დღეს ჩვენი ბრძოლა თავისუფლებისთვის გრძელდება“, - განაცხადა მთავრობის თავმჯდომარემ.

30 წლის წინ დატრიალებული ტრაგედიის დეტალებზე ისაუბრეს ასევე, უნივერსიტეტის რექტორმა, სტუდენტებმა და პროფესორ-მასწავლებლებმა. შეხვედრის ბოლოს ახალგაზრდებმა სიმბოლურად სანთლებით გამოსახეს ,,9 აპრილი“ და სპეციალურად ამ დღისთვის მომზადებული ვიდეორგოლი წარმოადგინეს.

ინფორმაციას აჭარის ავტონომიური რესპუბლიკის მთავრობის პრესსამსახური ავრცელებს.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა