„დიდება და მადლობა გმირებს“ - ამ მოწოდებით ქუთაისში 9 აპრილის ტრაგედია გაიხსენეს.

9 აპრილის მემორიალთან რიგითი მოქალაქეები, კადეტები, ადგილობრივი მთავრობის წევრები და ოპოზიციური პარტიების წარმომადგენლები შეიკრიბნენ. მათ 30 წლის წინ მომხდარი ტრაგედია გაიხსენეს და ამ დღის მნიშვნელობაზე ისაუბრეს.

„30 წელი გავიდა, ეს იყო ტრაგედია, ამავდროულად, ეს არის მნიშვნელოვანი დღე, რადგან ამ ამბებმა დააჩქარა დამოუკიდებლობის აღდგენა. ვერ ვიტყვით, რომ 9 აპრილის ტრაგედიამ დაშალა საბჭოთა კავშირი, მაგრამ ერთ-ერთი კედელი ჩამოტეხა და ამით გაგვიცნო მსოფლიომ“, - განაცხადეს ღონისძიების მონაწილეებმა.