რუსთავში, ყოფილი სამხედრო ნაწილის ტერიტორიაზე მშვიდობიანი საპროტესტო აქცია მიმდინარეობს

რუსთავში, ჭყონდიდელის დასახლებაში, ყოფილი სამხედრო ნაწილის ტერიტორიაზე მშვიდობიანი საპროტესტო აქცია მიმდინარეობს. აქციის მონაწილეები აღნიშნულ ტერიტორიაზე სასჯელაღსრულების დაწესებულების მშენებლობას აპროტესტებენ და სამშენებლო სამუშაოების შეჩერებას მოითხოვენ. ცოტა ხნის წინ მათ მშენებლობის ტერიტორიაზე მიმავალ სატვირთო ავტომობილს გზა გადაუკეტეს.

აქციაში მონაწილეობას ,,რუსთავის სკაუტების ცენტრი" და ადგილობრივი მოსახლეობა იღებს.

აქციის მონაწილეებთან იმყოფება „ერთიანი ნაციონალური მოძრაობიდან“ რუსთავის საკრებულოს წევრი ნანა შატბერაშვილი.

ჭყონდიდელის დასახლებაში ცოტა ხნის წინ მივიდა რუსთავის მერი ირაკლი ტაბაღუა. ქალაქის მერმა მოუწოდა ნანა შატბერაშვილს ნუ მოახდენს საკითხის პოლიტიზირებას. ციხის მშენებლობის შეჩერების მოთხოვნით, ახალგაზრდების ჯგუფმა საქართველოს პრემიერ-მინისტრისა და იუსტიცის მინისტრის სახელზე პეტიციაც გაავრცელა. აქციის მონაწილეები აცხადებენ, რომ არ დაუშვებენ ციხის მშენებლობას. მათი განცხადებით, ქალაქში ოთხი სასჯელაღსრულების დაწესებულების არსებობა საკმარისია, ჭყონდიდელის დასახლებაში უნდა შეწყდეს მშენებლობა და რუსთავის ციხეების ქალაქად არ უნდა გადაიქცეს.

იხილეთ ვიდეო: რუსთავში, ყოფილი სამხედრო ნაწილის ტერიტორიაზე მშვიდობიანი საპროტესტო აქცია გაიმართა

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა