სასულიერო პირები, ხელისუფლების და საზოგადოების წარმომადგენლები გორში, 9 აპრილის სკვერში დილიდან შეიკრიბნენ. ადგილობრივი ხელისუფლების წარმომადგენლებმა გვირგვინებით შეამკეს 9 აპრილის მემორიალი.

„30 წლის წინ დატრიალდა ტრაგედია საქართველოში, რომელმაც საფუძველი ჩაუყარა საქართველოს დამოუკიდებლობის მოპოვებას. ის უმძიმესი დღე, რა თქმა უნდა, უაღრესად ტრაგიკულია ჩვენი ქვეყნის ისტორიაში, მაგრამ ქართველი ერისთვის 9 აპრილი და 9 აპრილს განვითარებული მოვლენები მაინც თავისუფლებასთან ასოცირდება. მინდა, მადლობა გადავუხადო იმ ადამიანებს, ვინც საკუთარი სიცოცხლე შესწირეს დამოუკიდებლობისთვის ბრძოლას. როდესაც ერი შეთანხმებულია, ერთი სულისკვეთებით არის, ყოველთვის მიიღწევა შედეგი და მართლაც, 1989 წლის 9 აპრილის შედეგი იყო მოგვიანებით საქართველოს დამოუკიდებლობა", - განაცხადა შიდა ქართლის გუბერნატორმა გიორგი ხოჯევანიშვილმა.