თელავის ბაღების მართვის სააგენტოს ხელმძღვანელი - სოფელ ბუშეტის ბაღში ბავშვების ინტოქსიკაციის მიზეზი, პირველადი კვლევის მიხედვით, სასმელი წყალია
თელავის მუნიციპალიტეტის სოფელ ბუშეტის ბაგა-ბაღში, ბავშვების ინტოქსიკაციის მიზეზი, პირველადი კვლევის მიხედვით, სასმელი წყალია. თელავის მუნიციპალიტეტის ბაღების მართვის სააგენტოს ხელმძღვანელი თინიკო ხანჯალიაშვილი „ინტერპრენიუსთან" საუბარში აცხადებს, რომ ბაღში შეტანილი საკვები ვარგისიანი იყო და საკვებიდან მოწამვლას მაშინვე გამორიცხავდა. თინიკო ხანჯალიაშვილი ინტოქსიკაციის მიზეზად წყალს ასახელებს და ხელმეორედ სინჯის აღების აუცილებლობაზე საუბრობს.
„ბაღში იმ დღეს მიღებული პროდუქტიდან ბავშვების ინტოქსიკაცია გამოირიცხა. ჩვენ მაშინვე ვაცხადებდით, რომ პროდუქტები ვარგისი იყო და მოწამლა მისგან არ მოხდებოდა. თუმცა ლაბორატორიულად მაინც შემოწმდა. ლაბოროტორიული მონაცემების მიხედვით კი, ოფიციალურად დადასტურდა, რომ სავარაუდოდ, მოწამლა სასმელმა წყალმა გამოიწვია, რის გამოც სურსათის ეროვნული სააგენტო დამატებით სინჯებს წყლიდან ისევ აიღებს", - აღნიშნა თინიკო ხანჯალიაშვილმა.
შეგახსენებთ, რომ სოფელ ბუშეტის საბავშვო ბაგა-ბაღის 23 აღსაზრდელი ინტოქსიკაცის დიაგნოზით თელავის ორ კლინიკაში სასწრაფო დახმარების ბრიგადებმა 2 აპრილს მოათავსეს.
v-if="article.gallery" v-html="article.gallery"
