ხატია მოისწრაფიშვილი - 9 აპრილს დაღუპული ეკა ბეჟანიშვილის ოჯახს პრეზიდენტის ადმინისტრაცია ფიზიკურად ვერ დაუკავშირდა, რომ დღევანდელ ღონისძიებას დასწრებოდა

პრეზიდენტის პრესსპიკერის ხატია მოისწრაფიშვილის განცხადებით, 9 აპრილის ტრაგედიის გმირის - ეკა ბეჟანიშვილის ოჯახს პრეზიდენტის ადმინისტრაცია ფიზიკურად ვერ დაუკავშირდა იმისთვის, რომ დღევანდელ ღონისძიებაზე სახელმწიფო ცერემონიების სასახლეში მიღებას დასწრებოდა.

როგორც „ინტერპრესნიუსს“ მოისწრაფიშვილმა განუცხადა, ეკა ბეჟანიშვილის ოჯახთან დარეკვის დროს ტელეფონზე მუდმივი დაკავება ფიქსირდებოდა და ამ მიზეზით ოჯახს ვერ შეატყობინეს, რომ უნდა დასწრებოდა საქართველოს დამოუკიდებლობის აღდგენის აქტის ხელმომწერებისათვის პრეზიდენტის სახელით გამართულ მიღებას. ამასთან, მოისწრაფიშვილმა განმარტა, რომ სალომე ზურაბიშვილს ეკა ბეჟანიშვილის სახელი და გვარი შეცდომით არ წაუკითხავს.

„ჩვენ, ყველა დაღუპულის ოჯახის წევრები მოვიწვიეთ. თითოეული ოჯახის რამდენიმე წევრი იყო მოსული. ეკა ბეჟანიშვილის ოჯხთან, მთელი კვირის განმავლობაში ფიზიკურად ვერ მოხერხდა დაკავშირება. თორემ, რა მიზეზი უნდა ყოფილიყო, კონკრეტულად, ამ გმირის ოჯახთან ვერ მოხერხებულიყო დარეკვა?! ფიზიკურად ვერ მოხეხდა დაკავშირება. მობილურზე მუდმივი დაკავება იყო. ბეჟანიშვილის გვარი ჩვეულებრივად იქნა წაკითხული“, - განაცხადა მოისწრაფიშვილმა.

ამასთან, პრესპიკერის განმარტებით, ტექნიკური შეცდომა იყო ის, რომ პრეზიდენტს 9 აპრილის ტრაგედიის დროს დაღუპულთა სიის წაკითხვისას, ერთ-ერთი გმირის, თამარ ჭოველიძის გვარი გამორჩა.

„ტექნიკური ხარვეზი იყო, რის გამოც მოხდა ჭოველიძის გვარის გამოტოვება. პრეზიდენტს ტექნიკურად წაკითხვის დროს გამორჩა. მერე, სია თავიდან წავიკითხეთ, სადაც ჩვეულებრივად ვახსენეთ ყველა გმირის სახელი და გვარი“, - განაცხადა მოისწრაფიშვილმა.

მას შემდეგ რაც პრეზიდენტს თამარ ჭოველიძის სახელი და გვარის სიიდან ამოკითხვა გამორჩა, გმირის მამამ, არკადი ჭოველიძემ მიღება პროტესტის ნიშნად დატოვა.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
„გაგუას კლინიკამ“ რესპუბლიკურ საავადმყოფოს 10 ელექტროფუნქციური საწოლი საჩუქრად გადასცა
„ტერასა ჯგუფმა“ ორასამდე სოციალურად დაუცველ ოჯახს საკვები პროდუქტები გადასცა
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა