ზოგიერთს ხმალი დაუჟანგდა, ხელები ექავებათ და უნდათ, ის ძველი ტაშფანდურები გააღვივონ, - ამის შესახებ პარტია „ქართული ოცნება - დემოკრატიული საქართველოს“ თავმჯდომარე ბიძინა ივანიშვილმა ტელეკომპანია „იმედის“ ეთერში ქვეყანაში მძიმე სოციალურ ფონზე საუბრისას განაცხადა.
როგორც ივანიშვილმა აღნიშნა, საქართველოს უახლესი ისტორიის მანძილზე, მეშვიდე წელია, რაც საქართველოში ინვესტიციების რაოდენობა უპრეცედენტოა.
„რა თქმა უნდა, ამ მიმართულებით მდგომარეობა ტრაგიკულია. ჩვენ რეალობიდან ვაკეთებთ თითქმის მაქსიმუმს. ევროპის ეკონომიკა გაცილებით მაღლაა, 10-ჯერ უკეთესია და ამ დისბალანსს, ამ სიღარიბეს მოკლე დროში ვერ დავძლევთ. ამას პოლიტიკურად სტაბილური გარემო სჭირდება, თუ გვინდა, რომ ინვესტიცია მოვიზიდოთ, რაც მეშვიდე წელია საქართველოს უახლეს ისტორიაში უპეცედენტოა. ზოგიერთს ხმალი დაუჟანგდა, ხელები ექავებათ და უნდათ, ის ძველი ტაშფანდურები გააღვივონ, არა მარტო „ნაცებმა“. არ გამოვა ასე. სტაბილურად უნდა ვიცხოვროთ, თუ გვინდა ეკონომიკა განვითარდეს,“ - განაცხადა ივანიშვილმა.