საგარეჯოს მუნიციპალიტეტის მერის მოადგილეებმა და ადგილობრივი ხელისუფლების სხვა წარმომადგენლებმა საგარეჯოს N1 საჯარო სკოლაში და სოფელ იორმუღანლოში 9 აპრილის და 20 იანვრის მემორიალები ყვავილებით შეამკეს. ამის შესახებ „ინტერპრესნიუსს“ საგარეჯოს მუნიციპალიტეტიდან აცნობეს.
მათივე ინფორმაციით, საგარეჯოს მუნიციპალიტეტის მერის მოადგილეებმა - ალექსი გილაშვილმა და შოთა კაკაბაძემ, საგარეჯოს მაჟორიტარმა დეპუტატმა რომან მუჩიაშვილმა, საკრებულოს თავმჯდომარის მოადგილემ ლელა მარიდაშვილმა, საგანმანათლებლო რესურსცენტრის უფროსმა მანანა ცუცქირიძემ ადგილობრივი ხელისუფლების სხვა წარმომადგენლებთან ერთად 1989 წლის 9 აპრილის ტრაგიკული მოვლენებიდან 30 წლის გასვლასთან დაკავშირებით, საგარეჯოს N1 საჯარო სკოლაში და სოფელ იორმუღანლოში 9 აპრილის და 20 იანვრის მემორიალები ყვავილებით შეამკეს.
საგარეჯოს N1 საჯარო სკოლის მოსწავლეებმა გაიხსენეს და პატივი მიაგეს 9 აპრილს გარდაცვლილთა სულებს.