„ცენტრ პოინტის" საქმის „მიონის" ეპიზოდზე მაია რჩეულიშვილის მიმართ განაჩენი დღეს გამოცხადდება

„ცენტრ პოინტის" საქმეზე „მიონის" ეპიზოდზე ბრალდებულების, მაია რჩეულიშვილისა და ქეთევან ჟორდანიას მიმართ განაჩენი დღეს გამოცხადდება.

პროცესი თბილისის საქალაქო სასამართლოში 10:00 საათზეა დანიშნული, სადაც მხარეები დასკვნით სიტყვებს წარმოთქვამენ. დღევანდელ სხდომაზე უნდა წარმოთქვას საბოლოო სიტყვა თავად ბრალდებულმა მაია რჩეულიშვილმაც.

გასული სხდომა სწორედ მისი გამოუცხადებლობის გამო გადაიდო. მოსამართლე გიორგი ებანოიძემ განმარტა, რომ იმ შემთხვევაში, თუკი, ბრალდებული კვლავ არ გამოცხადდებოდა სასამართლოში, პროცესს აღარ გადადებდა.

როგორც საქმის პროკურორი, დავით გუმბერიძე აცხადებს, პროკურატურას ერთ-ერთი ბრადებულის ჩვენება აქვს, რომელიც მაია რჩეულიშვილის მიმართ უშუალოდ მამხილებელ ჩვენებას იძლევა. საუბარია ქეთევან ჟორდანიაზე, რომელიც სწორედ იმ ობიექტის ხელმძღვანელი პირი იყო, საიდანაც მოხდა თანხების მითვისება.

როგორც გუმბერიძე აცხადებს, ბრალდების მხარეს გამამტყუნებელი განაჩენის მოლოდინი აქვს. მისივე თქმით, თუკი, სასამართლო გამამტყუნებელ განაჩენს გამოიტანს, სასჯელი იმაზე უფრო მკაცრი იქნება, ვიდრე რჩეულიშვილს სასამართლომ სხვა ეპიზოდზე განუსაზღვრა.

ცნობისთვის, აღნიშნულ საქმეს- 2 წლიანი განხილვის ვადა სწორედ, ხვალ ეწურება.

მაია რჩეულიშვილსა და ქეთევან ჟორდანიას ბრალი სისხლის სამართლის კოდექსის 180-ე მუხლის მე-3 ნაწილით აქვთ წარდგენილი, რაც თაღლითობას გულისხმობს. რაც შეეხება ქეთევან ჟორდანიას, მას საპროცესო შეთანხმება აქვს გაფორმებული.

იხილეთ ვიდეო: "ცენტრ პოინტის" საქმის "მიონის" ეპიზოდზე მაია რჩეულიშვილის მიმართ განაჩენი დღეს გამოცხადდება

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ