ელექტრომობილების მეპატრონეები აჭარის უმაღლესი საბჭოს შენობისკენ მსვლელობას მართავენ. აქციის მონაწილეების განცხადებით, ისინი ბათუმის საკრებულოს გადაწყვეტილებას აპროტესტებენ, რომლის თანახმად, პირველი მაისიდან ბულვარში ელექტრომობილები აიკრძალა.

ისინი აცხადებენ, რომ მზად არიან დიალოგი გამართონ შესაბამის უწყებებთან.

„აჭარის უმაღლეს საბჭოსთან იმიტომ მივდივართ, რომ დეპუტატებმა ჩვენი მოთხოვნა გაითვალისწინონ. საბანკო დავალიანებები გვაქვს და აქ მიღებული თანხით ოჯახს ვარჩენთ. სხვა გზა არ გვაქვს, თუ არ გაითვალისწინებენ ჩვენ მოთხოვნებს, პროტესტს გავაგრძელებთ“, - აცხადებენ აქციის მონაწილეები.