ქალაქ საგარეჯოში ახლად რეაბილიტირებული თანამედროვე სტანდარტების N 5 საბავშვო ბაღი გაიხსნა, - ამის შესახებ „ინტერპრესნიუსს“ საგარეჯოს მუნიციპალიტეტიდან აცნობეს.
მათივე ინფორმაციით, დაწესებულება საგარეჯოს მუნიციპალიტეტის მერის მოადგილეებმა ალექსი გილაშვილმა და შოთა კაკაბაძემ ადგილობრივი თვითმმართველობის სხვა წარმომადგენლებთან ერთად გახსნეს.
„პროექტის ფარგლებში გარემონტდა შიდა და გარე ფასადები, შენობაში დამონტაჟდა ცენტრალური გათბობის სისტემა, კეთილმოეწყო ბაღის ეზო. ბაღის სარეაბილიტაციო სამუშაოები რეგიონული განვითარების ფონდიდან 346 838 ლარით დაფინანსდა, - ნათქვამია მუნიციპალიტეტის მიერ გავრცელებულ განცხადებაში.