აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე კრაკოვში მიმდინარე ადგილობრივი ხელისუფლების მე-5 ევროპულ კონგრესზე მოხსენებით წარსდგა. გაბაიძემ მოხსენება 9 აპრილის მნიშვნელობაზე საუბრით დაიწყო. როგორც „ინტერპრესნიუსს“ აჭარის უმაღლესი საბჭოს პრესსამსახურიდან აცნობეს, პანელის თემა, რომელზეც უმაღლესი საბჭოს თავმჯდომარესთან ერთად მოხსენებით იტალიის, ბელორუსიის და უკრაინის წარმომადგენლები წარსდგნენ: ,,მეცნიერება, ადგილობრივი ხელისუფლება, პოლიტიკა - გზა წარმატებისაკენ“? იყო.

ღონისძიება აღმოსავლეთის კვლევების ინსტიტუტის ორგანიზებით გაიმართა და მას ევროპის სხვადასხვა რეგიონის 2000-ზე მეტი მონაწილე ესწრებოდა.