თორნიკე რიჟვაძე სხვადასხვა კონფესიის წარმომადგენლებს და რეპრესირებულთა შთამომავლებს ხვდება

აჭარის მთავრობის შენობაში, სხვადასხვა კონფესიის წარმომადგენლები და რეპრესირებულთა შთამომავლები აჭარის მთავრობის თავმჯდომარე თორნიკე რიჟვაძესთან შეხვედრას მართავენ.

როგორც აჭარის მთავრობის პრესსამსახურში „ინტერპრესნიუსთან" საუბრისას განაცხადეს, შეკრებილები 1937-38 წლებში რეპრესირებულთა საკითხზე მსჯელობენ.

მათივე ინფორმაციით, შეხვედრაზე სამთავრობო კომისიის დაკომპლექტებაზეც იმსჯელებენ.

ცოტა ხნის წინ, აჭარის მთავრობის თავმჯდომარე თორნიკე რიჟვაძემ რეპრესირებულთა საკითხის შესასწავლად სამთავრობო კომისიის შექმნა დაანონსა.

რაც შეეხება რეპრესირებულთა შთამომავლებს, ისინი ნეშტებზე დნმ-ის ანალიზის ჩატარებას ითხოვენ.

შეგახსენებთ, ბათუმისა და ლაზეთის ეპარქიამ გაავრცელა ინფორმაცია, რომ ბათუმში, ფრიდონ ხალვაშის ქუჩის 338 ნომერში, 1937-1938 წლებში რეპრესირებულთა სამარხი აღმოაჩინეს. მათი ინფორმაციით, ოთხ სამაროვანში 150-მდე ნეშტი უწესრიგოდ არის დამარხული. ეპარქიის ინფორმაციით, რეპრესირებულთა ნეშტებს 21 აპრილს დაკრძალავენ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ