გაერთიანებული ოპოზიციის წარმომადგენლები ზუგდიდის პოლიციასთან „ნაციონალური მოძრაობის“ დაკავებული წევრების გათავისუფლებას ითხოვენ

გაერთიანებული ოპოზიციის წარმომადგენლები ზუგდიდის პოლიციის სამმართველოსთან არიან შეკრებილები. ისინი „ნაციონალური მოძრაობის“ ზუგდიდის ორგანიზაციის თავმჯდომარის ანა წითლიძის, პარტიის პრესსამსახურის უფროსის გიორგი პატარაიას და აქტივისტის მანუჩარ ჩხეტიას გათავისუფლებას ითხოვენ.

„ნაციონალური მოძრაობის“ ინფორმაციით, პარტიის წევრები ზუგდიდში მათსა და პოლიციის უფროსს შორის შელაპარაკების შემდეგ დააკავეს.

როგორც „ინტერპრესნიუსს“ „ნაციონალური მოძრაობის“ პრესსამსახურში განუცხადეს, დღის განმავლობაში პარტიის ზუგდიდის მერობის კანდიდატს, სანდრა რულოვსის მანქანას ავტომობილით უცნობი პირები დაჰყვებოდნენ და უთვალთვალებდნენ.

პარტიის წარმომადგენლების ცნობით, უცნობ პირებთან „ნაციონალური მოძრაობის“ წარმომადგენლები მივიდნენ, რათა მათი ვინაობის შესახებ მიეღოთ ინფორმაცია, თუმცა აღნიშნულმა მოქალაქეებმა ვინაობის გამხელა არ ისურვეს რის შემდეგაც, პარტიის წარმომადგენლებმა პოლიცია გამოიძახეს.

პარტიის პრესსამსახურში აღნიშნავენ, რომ გამოძახებაზე პოლიციის სამმართველოს უფროსი მივიდა, რის შემდეგაც, მასსა და პარტიის წევრებს შორის შელაპარაკება მოხდა. შელაპარაკების შემდეგ კი ხულიგნობის ბრალდებით პარტიის პრესსამსახურის უფროსი გიორგი პატარაია და პარტიის წევრები ანი წითლიძე და მანუჩარ ჩხეტია დააკავეს.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო