დავების საბჭოში საკმაოდ ხშირია მომართვიანობა, - ამის შესახებ სახელმწიფო შესყიდვების სააგენტოს ხელმძღვანელმა ლევან რაზმაძემ უკონკურსო და მორგებული ტენდერების თემის კომენტირებისას განაცხადა.
რაზმაძის თქმით, ტენდერებთან დაკავშირებული დავები ბევრია, თუმცა ეს სახელმწიფოს მიმართ მაღალი ნდობით აიხსნება.
„დავების საბჭოში მომართვიანობა მაღალია, მაგრამ ეს იმას არ ნიშნავს, რომ არასწორად ვმოქმედებთ, პირიქით, ნდობის ხარისხია ამაღლებული სახელმწიფოსთან ურთიერთობის. შემსყიდველები თუ რამეს სცოდავენ, ეს გასაჩივრების დროს სწორდება“, - განმარტა რაზმაძემ.