ბათუმის საკრებულოს თავმჯდომარემ სულიკო თებიძემ სხდომათა დარბაზიდან იმ მოქალაქეების გაძევება მოითხოვა, რომლებიც საკრებულოს სხდომას ესწრებიან. როგორც სულიკო თებიძემ განმარტა, სხდომათა დარბაზში მყოფი გარეშე პირები ხმაურს იწვევენ და პროვოცირებას ახდენენ. მიუხედავად იმისა, რომ სამართალდამცავები და საკრებულოს დაცვის თანამშრომლები მოქალაქეებს შენობის დატოვებას სთხოვდნენ, ისინი სხდომათა დარბაზიდან არ გავიდნენ.

საკრებულოს თავმჯდომარისგან განმარტებებს ითხოვდნენ „ნაციონალური მოძრაობის“ წევრებიც, თუმცა მან სხდომათა დარბაზი დატოვა და შესვენება გამოცხადდა.

შეგახსენებთ, რომ ცოტა ხნის წინ ბათუმის საკრებულოში ოპოზიცია და მმართველი გუნდი ერთმანეთს სიტყვიერად და ფიზიკურად დაუპირისპირდნენ. მიზეზი საჯარო ინფორმაციის გამოთხოვა გახდა.