ბაღდათის მუნიციპალიტეტის სოფელ ფერსათის მოსახლეობამ აქცია გამართა. ადგილობრივების თქმით, სასმელი წყალი დაბინძურებულია და წყალს წურბელები და ტალახი მოჰყვება, რის გამოც ვერც სასმელად და ვერც სხვა დანიშნულებით იყენებენ.

მოსახლეობის განმარტებით, წყალი სოფელში ექვის თვის წინ შემოიყვანეს. პრობლემის მიზეზად ადგილობრივები რეზერვუარის დაბინძურებას ასახელებენ.

„წყალი შემოიყვანეს, მაგრამ ვერც სასმელად და ვერც საყოფაცხოვრებო დანიშნულებით ვერ ვიყენებთ, წურბელები და ტალახი მოყვება. მოვითხოვთ, მოგვაქციონ ყურადღება და გაიწმინდოს რეზერვუარი“, - აცხადებენ ადგილობრივები.

მათი ინფორმაციით, წყლის სინჯები სურსათის სააგენტოს წარმომადგენლებმა უკვე აიღეს.