გორში, შინდისის გზატკეცილს შინდისის გმირების სახელი ეწოდა

გორის მუნიციპალიტეტის საკრებულომ შინდისის გზატკეცილისთვის სახელის შეცვლის საკითხს მხარი დაუჭირა და აღნიშნულ ქუჩას შინდისის გმირების სახელი ეწოდა. აღნიშნული ინიციატივა საკრებულოში თითქმის ორი წლის წინ, 2017 წლის 19 სექტემბერს შევიდა. ,,მუნიციპალიტეტის ადმინისტრაციულ საზღვრებში მდებარე გეოგრაფიული ობიექტის სახელდების თაობაზე ინიციატივით მუნიციპალიტეტის საკრებულოს ჯერ კიდევ 2017 წლის 19 სექტემბერს მივმართე, იმ პერიოდში საკრებულოს წევრი ვიყავი და სამანდატო-საპროცედურო და ეთიკის საკითხთა კომისიას ვხელმძღვანელობდი. დღეს, საკრებულოს გადაწყვეტილებით, გორში, შინდისის გზატკეცილს ეწოდა შინდისის გმირების გამზირი. სწორედ ამ გზის გავლით მივდივართ ჩვენი სახელოვანი გმირების - შინდისის გმირების მემორიალთან. 2008 წლის აგვისტოს ომის შემდგომ, შინდისმა დაიმკვიდრა ისტორიული სახელი, ამ გამზირისთვის შინდისის გმირების სახელის დარქმევით კი, მათი სახელების უკვდავყოფას კიდევ ერთხელ გაესვა ხაზი“, - განაცხადა ,,ინტერპრესნიუსთან“ საკრებულოს ყოფილმა წევრმა თამარ თედლიაშვილმა.

2008 წლის 11 აგვისტოს, გორის რაიონში, სოფელ შინდისთან, სენაკის მეორე ბრიგადის 17 ჯარისკაცი გმირულად დაიღუპა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება