შეზღუდული შესაძლებლობის მქონე მუსიკოსი და კომპოზიტორი ტონი მემელი ბენდთან ერთად, თბილისის სახელმწიფო სამედიცინო უნივერსიტეტში კონცერტს გამართავს

ამერიკის შეერთებული შტატების საელჩოს მოწვევით, საქართველოში შეზღუდული შესაძლებლობის მქონე მუსიკოსი და კომპოზიტორი ტონი მემელი ჩამოდის, რომელიც პირველ კონცერტს, ბენდთან ერთად, თბილისის სახელმწიფო სამედიცინო უნივერსიტეტში გამართავს, - ამის შესახებ ,,ინტერპრესნიუსს“ თსსუ-დან აცნობეს.

„ტონი მემელს აქვს მუსიკოსის დიპლომი ვოკალის განხრით, ის თავად წერს და ასრულებს სიმღერებს. ტონის დაბადებიდან არ აქვს ზედა მარცხენა კიდური, მაგრამ, დიდი ძალისხმევით და მონდომებით, აისრულა ოცნება და ისწავლა გიტარაზე დაკვრა. დღეს ტონი სამკაციანი ბენდის წამყვანი გიტარისტია. გარდა ამისა, ის არის სპიკერი და მუშაობს სხვადასხვა თერაპიულ პროგრამაში, სადაც საკუთარ მაგალითზე ასწავლის აუდიტორიას, როგორ გადალახონ წინააღმდეგობები. კონცერტის დაწყებამდე, აუდიტორიას ის სწორედ ამ თემასთან დაკავშირებით გაესაუბრება“, - აცხადებენ უნივერსიტეტში.

მათივე ინფორმაციით, სახელმწიფო დეპარტამენტის პროგრამის, „ამერიკული მუსიკა საზღვარგარეთ“, ფარგლებში, ტონი მემელმა იმოგზაურა ბრაზილიაში, პარაგვაიში, ურუგვაიში, მალაიზიაში, ინდონეზიაში, სინგაპურში და ა.შ.

ვიზიტის ფარგლებში შეხვედრა და კონცერტი გაიმართება 15 აპრილს, 15:00 საათზე, თბილისის სახელმწიფო სამედიცინო უნივერსიტეტის თეატრალურ დარბაზში.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)