პანკისის ხეობის საზოგადოებრივ ცენტრში, საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი და შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ახალგაზრდებს ხვდებიან.

შეხვედრა ადგილობრივებსა და მთავრობის წევრებს შორის დიალოგის რეჟიმში მიმდინარეობს. ისინი ხეობაში არსებულ პრობლემების შესახებ აწვდიან ინფორმაციას, მათ შორის ჰესების მშენებელობებზე, რაც მოსახლეობის ნაწილმა არაერთხელ გააპროტესტა.

შეხვედრაზე იმყოფება თემირლან მაჩალიკაშვილის დედა, მედიკო მარგოშვილი. ახალგაზრდებმა თემირლან მაჩალიკაშვილის საკითხზეც დასვეს კითხვები და მთავრობის წევრებისგან დროული გამოძიება მოითხოვეს.

დღის განმავალობაში ასევე დაგეგმილია უხუცესთა საბჭოს წევრებთან შეხვედრა.

პანკისის ხეობაში მინისტრებთან ერთად კახეთის გუბერნატორი და ადგილობრივი ხელისუფლების წევრები იმყოფებიან.