ბათუმის საკრებულოს წევრის როინ ზოიძის ჯანმრთელობის მდგომარეობა დამაკმაყოფილებელია. როინ ზოიძეს ბათუმის რეფერალურ საავადმყოფოში თავის არეში გამოკვლევები უტარდება. ექიმების თქმით, პირველადი დათვალიერების შედეგად მის სიცოცხლეს საფრთხე არ ემუქრება.
შეგახსენებთ, რომ დღეს ბათუმის საკრებულოში ფიზიკური დაპირისპირების შედეგად „ნაციონალური მოძრაობის“ წევრი როინ ზოიძე დაშავდა. ადგილზე სასწრაფო-სამედიცინო დახმარების ბრიგადა გამოიძახეს, რომელმაც დაშავებული საავადმყოფოში გადაიყვანა.