კანონმდებლებმა ახალგაზრდული უმაღლესი საბჭოს წევრებს უმასპინძლეს
„ნებისმიერი საკანონმდებლო ორგანოსთვის დიდი პატივია იმუშაოს ქვეყნისა თუ რეგიონის კონსტიტუციაზე. ამ მოწვევის აჭარის უმაღლესმა საბჭომ ამ თვალსაზრისით, თავისი პროგრამა მინიმუმი შეასრულა,“ - აღნიშნა აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ საკანონმდებლო ორგანოში რეგიონის ახალგაზრდული უმაღლესი საბჭოს წევრებთან გამართულ შეხვედრაზე. ამის შესახებ ინფორმაციას აჭარის ავტონომიური რესპუბლიკის უმაღლესი საბჭო ავრცელებს.
უმაღლესი საბჭოს თავმჯდომარემ, მისმა მოადგილემ მერაბ კარანაძემ, განათლების, მეცნიერების, კულტურისა და სპორტის საკითხთა კომიტეტის თავმჯდომარემ ლადო მგალობლიშვილმა ახალგაზრდებს საკანონმდებლო ორგანოს ფუნქციები და მუშაობის ძირითადი პრინციპები გააცნეს, მიღებულ კანონებსა და საკანონმდებლო სიახლეებზე ისაუბრეს და მათ შეკითხვებს უპასუხეს.
v-if="article.gallery" v-html="article.gallery"
