ზუგდიდის სასამართლოში რამდენიმე წუთში, წვრილმანი ხულიგნობისა და პოლიციისადმი დაუმორჩილებლობისთვის, წუხელ დაკავებული, გაერთიანებული ოპოზიციის აქტივისტის მანუჩარ ჩხეტიას სასამართლო პროცესი გაიმართება.
დაკავებული მანუჩარ ჩხეტია თავს დამნაშავედ არ მიიჩნევს და ზუგდიდის პოლიციის უფროს ირაკლი ფაცაციას პროვოკაციაში ადანაშაულებს.
"თავს დამნაშავედ არ ვგრძნობ. ეს იყო პოლიტიკური პროვოკაცია, დაგეგმილი ზუგდიდის პოლიციის რაიონული სამმართველოს უფროსის მიერ. იმედი მაქვს, რომ სასამართლო მიიღებს ობიექტურ გადაწყვეტილებას და გამათავისუფლებენ, რადგან მე არ მიმიძღვის ბრალი იმ ყველაფერში, რაც მოხდა. არანაირი შეურცხყოფა არ მიმიყენებია პოლიციისთვის და ამის დამადასტურებელი არანაირი ვიდეო არ არსებობს", - განაცხადა ჩხეტიამ პროცესის დაწყებამდე.
ზუგდიდის რაიონულ სასამართლოსთან მობილიზებულია პოლიცია. აქვე იმყოფებიან გაერთიანებული ოპოზიციის ლიდერები და მხარდამჭერები.