ბათუმის მერი ბაქოში სამუშაო ვიზიტით იმყოფება

ბათუმის მერი ლაშა კომახიძე, დღეს აზერბაიჯანის რესპუბლიკის დედაქალაქში სამუშაო ვიზიტით იმყოფება.

ბათუმის მერიის ინფორმაციით, ვიზიტის ფარგლებში ლაშა კომახიძე ავიაკომპანია “აზერბაიჯანის ავიახაზების” პრეზიდენტ ჯაჰანგირ ასკეროვს შეხვდა.

მათივე ცნობით, შეხვედრაზე მხარეებმა კმაყოფილება გამოთქვეს ბაქო-ბათუმის მიმართულებით რეგულარული ავიარეისების დანიშვნის თაობაზე.

ჯაჰანგირ ასკეროვის თქმით, ბაქო-ბათუმის მარშრუტის ფრენები კვირაში ორჯერ განხორციელდება. ავიარეისების რიცხვის გაზრდა აზერბაიჯანსა და საქართველოს შორის დადებითად აისახება ტურისტული ნაკადის მატებასა და რეგიონული თანამშრომლობის განვითარებაზე. თავის მხრივ, ბათუმის მერმა ხაზი გაუსვა აზერბაიჯანისა და საქართველოს სტრატეგიულ პარტნიორობას ყველა სფეროში, მათ შორის, სატრანსპორტო მიმართულებით.

შეხვედრას ესწრებოდა საქართველოს საგანგებო და სრულუფლებიანი ელჩი აზერბაიჯანის რესპუბლიკაში ზურაბ პატარაძე.

აზერბაიჯანის რესპუბლიკაში, ვიზიტის ფარგლებში, ასევე, დაგეგმილია სხვა ოფიციალური შეხვედრები.

შეგახსენებთ, ბაქო-ბათუმის მიმართულებით პირდაპირი ფრენები მიმდინარე წლის 14 ივნისიდან განხორციელდება. ფრენებს სახელმწიფო ავიაკომპანია „აზერბაიჯანის ავიახაზების“ შვილობილი კომპანია Buta Airways შეასრულებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება