ტყიბულის მუნიციპალიტეტის მერის მოადგილე აცხადებს, რომ ემუქრებიან. ამის შესახემ მერის მოადგილე სოფიო ბოჭორიშვილი საკუთარ „ფეისბუქგვერდზე“ წერს.
“ველოდები ცილისწამებებს და პროვოკაციებს, იყო რეალური მუქარა, გადაუმოწმებელ ინფორმაციებს ნუ დაიჯერებთ“, - აცხადებს ბოჭორიშვილი.
სოფიო ბოჭორიშვილმა „ინტერპრესნიუს“ დაუდასტურა, რომ ნამდვილად ხორციელდება მის მიმართ მიზანმიმართული პროვოკაცია და არის მუქარა. დეტალებზე საუბარი ბოჭორიშვილს ამ ეტაპზე მედიასთან არ სურს.
სოფიო ბოჭორიშვილი 2014 წლიდან ტყიბულის გამგებლის მოადგილე იყო, 2017 წლიდან კი მერის მოადგილეა.