ბათუმის საკრებულოში მომხდარი ფიზიკური დაპირისპირების გამო, დეპუტატები აჭარის პოლიციის მთავარ სამართველოში გამოკითხვაზე იმყოფებიან. სამმართველოს შენობასთან "ქართული ოცნების" წევრებმა ჟურნალისტებთან საუბრისას განაცხადეს, რომ დღეს მომხდარ ინციდენტში "ერთიან ნაციონალურ მოძრაობას" მიუძღვის ბრალი.
"გამოძიებას მომხდართან დაკავშირებით ინფორმაცია დეტალურად მივაწოდე. ეს იყო მორიგი პროვოკაცია "ნაციონალური მოძრაობის" მხრიდან",- განაცხადა "ქართული ოცნების" წევრმა ნატალია ზოიძემ.
როგორც "ერთიანი ნაციონალური მოძრაობის" წევრი მირდატ ქამადაძე აცხადებს, საკრებულოს სხდომაზე დასმულ ორივე კითხვაზე ოპონენტებისგან ძალადობა მიიღეს. მირდატ ქამადაძის განცხადებით, "ქართულ ოცნებას" მწვავე კითხვებზე პასუხის გასაცემად ინტელექტი არ ჰყოფნის.