ბათუმში საპროტესტო აქციის მონაწილეები ბაგრატიონის ქუჩაზე მსვლელობას აწყობენ. მათი თქმით, საპროტესტო აქციას მანამდე გააგრძელებენ, სანამ მათ აჭარის ჯანდაცვის მინისტრი ზაალ მიქელაძე არ შეხვდება.
შეკრებილების განცხადებით, ბოლო ორი წლის განმავლობაში აჭარაში ექიმების დაუდევრობით მათი ოჯახის წევრების გარდაცვალების ფაქტის გამოძიებას ითხოვენ. აქციის მონაწილეები ცოტა ხნის წინ აჭარის ჯანდაცვის სამინისტროსთან იმყოფებოდნენ.
აქციას ბოლო ორი წლის განმავლობაში იმ გარდაცვლილი ადამიანების ოჯახის წევრები მართავენ, რომლებიც ექიმებს დაუდევრობაში ადანაშაულებენ.