ბათუმში საპროტესტო აქციის მონაწილეები და აჭარის ჯანდაცვის მინისტრი ზაალ მიქელაძე შეთანხმდნენ, რომ 15 აპრილს, 12:00 საათზე, აჭარის ჯანდაცვის სამინისტროში შეხვედრას გამართავენ. როგორც ზაალ მიქელაძემ განაცხადა, შეხვედრა დაზარალებული ოჯახების პირველი რიგის ნათესავებთან შედგება და მათთან ერთად შექმნილ სიტუაციას განიხილავენ.
შეკრებილების განცხადებით, აჭარაში ექიმების დაუდევრობით მათი ოჯახის წევრების გარდაცვალების ფაქტის გამოძიებას ითხოვენ. ამასთან დაკავშირებით, მათ ჯანდაცვის მინისტრ ზაალ მიქელაძეს კონკრეტულ ფაქტები გააცნეს და კითხვები დაუსვეს.
შეგახსენებთ, აქციას ბოლო ორი წლის განმავლობაში იმ გარდაცვლილი ადამიანების ოჯახის წევრები მართავდნენ, რომლებიც ექიმებს დაუდევრობაში ადანაშაულებენ. გარდაცვლილთა ახლობლებმა ბათუმში პროტესტის ნიშნად გმირთა ხეივანთან გზა გადაკეტეს და ჯანდაცვის მინისტრთან შეხვედრა მოითხოვეს. სამართალდამცავებმა გზა გაათავისუფლეს. აქციის მონაწილეებთან მოგვიანებით აჭარის ჯანდაცვის მინისტრი ზაალ მიქელაძე მივიდა. გარდაცვლილთა ახლობლებმა ზაალ მიქელაძეს რამდენიმე მოთხოვნა გააცნეს, მათ შორის, პაციენტების გარდაცვალების ფაქტებზე პარლამენტში საგამოძიებო კომისიის შექმნა.