ქობულეთი-ბათუმის დამაკავშირებელ გზაზე მოძრაობა აღდგა

ქობულეთში, ციხისძირთან, ცენტრალურ საავტომობილო გზაზე წუხელ ძლიერი ქარის შედეგად, ხე წაიქცა და სატრანსპორტო მოძრაობა შეაფერხა.

როგორც ქობულეთის მერიაში განაცხადეს, წაქცეული ნაძვის ხე, ქობულეთის ა(ა)იპი გამწვანებისა და სამაშველო სამსახურის თანამშრომელებმა ადგილზე დაამუშავეს და გზის სავალი ნაწილიდან გაიტანეს.

უწყების ინფორმაციით, ამ დროისთვის ქობულეთი-ბათუმის დამაკავშირებელ გზაზე -ციხისძირის მონაკვეთზე მოძრაობა აღდგენილია.