ქალაქ ამბროლაურში საკანალიზაციო ქსელის მოწყობის მასშტაბური სამუშაოები მიმდინარეობს, - ამის შესახებ ინფორმაციას ამბროლაურის მუნიციპალიტეტი ავრცელებს.
მათივე ინფორმაციით, პროექტის ღირებულება 1 947 885 ლარს შეადგენს და მისი დასრულება 2019 წლის ბოლოს იგეგმება.
,,პროექტი მდინარე რიონისა და მდინარე კრიხულას სანაპიროებზე 7 სხვადასხვა სიმძლავრის კოლექტორის მოწყობას ითვალისწინებს.
მიმდინარე სამუშაოები, რომელიც ეტაპობრივად სხვადასხვა ქუჩაზე ხორციელდება, ამბროლაურის მუნიციპალიტეტის მერმა ზვიად მხეიძემ შესაბამისი სამსახურის წარმომადგენლებთან ერთად დაათვალიერა. ობიექტის დასრულების შემდეგ ქალაქში სრულად მოწესრიგებული საკანალიზაციო სისტემა იქნება, რომლითაც ქ. ამბროლაურში მცხოვრები ყველა ოჯახი ისარგებლებს“ , - ნათქვამია ინფორმაციაში.