ბორჯომის მუნიციპალიტეტის სოფლებში გარე-განათების ქსელის მოწყობის სამუშაოები აქტიურად მიმდინარეობს. როგორც „ინტერპრესნიუსს“ ბორჯომის მუნიციპალიტეტის მერიიდან აცნობეს, ადგილობრივი დაფინანსებით, დასახლებებს ჯამში 406 ლამპიონი დაემატება.
პროექტის მიხედვით, ენერგოეფექტური ლედ სანათები სოფლების იმ უბნებში დამონტაჟდება სადაც, გარე-განათება მანამდე არ ყოფილა. ლედ სანათები, ეკონომიურობით გამოირჩევა და მნიშვნელოვნად შეამცირებს ელექტროენერგიის მოხმარებას.
სამუშაოებს ადგილზე ა(ა)იპ „ბორჯომის გარე განათების“ სამსახურის თანამშრომლები აწარმოებენ და მისი დასრულება თვის ბოლოსთვის მოხდება.