თორნიკე რიჟვაძე - მნიშვნელოვანია, რომ საქართველოს გაერო-ს ტრიბუნაზე ჰქონდეს მხარდაჭერა იმ გამოწვევების მიმართ, რომელიც ჩვენი ქვეყნის წინაშე დგას

აჭარის მთავრობის თავმჯდომარე, დღეს, გაერთიანებული ერების ორგანიზაციაში აკრედიტებულ სხვადასხვა ქვეყნის დიპლომატიური მისიის ხელმძღვანელებს შეხვდა.

აჭარის მთავრობის პრესსამსახურის ინფორმაციით, შეხვედრაზე თორნიკე რიჟვაძემ სტუმრებს რეგიონის ეკონომიკური შესაძლებლობები და ტურისტული პოტენციალი გააცნო.

მთავრობის მეთაურმა პოზიტიურად შეაფასა საქართველოსა და გაეროს შორის თანამშრომლობა, რომელიც უკვე ორ ათწლეულზე მეტია დინამიურად ვითარდება.

„მსგავსი ვიზიტები უმნიშვნელოვანესია ქვეყნებს შორის ურთიერთობების განვითარებასა და ხალხებს შორის კონტაქტების დამყარებისთვის. აჭარაში გაეროს ეგიდით ტრადიციულად იმართება სხვადასხვა საერთაშორისო დონის ღონისძიება, რაც ხელს უწყობს თანამშრომლობის გაფართოებას და ახალ დონეზე გადასვლას შეხვედრაზე ვისაუბრეთ არსებულ გამოწვევებზე და მისი დაძლევის შესაძლებლობებზე. მნიშვნელოვანია, რომ საქართველოს გაერო-ს ტრიბუნაზე ქონდეს მხარდაჭერა იმ გამოწვევების წინაშე, რომელიც ჩვენი ქვეყნის წინაშე დგას, ესენი ოკუპაცია და სიღარიბე“, - აღნიშნა თორნიკე რიჟვაძემ.

გაეროს მხარდაჭერა აჭარის ავტონომიური რესპუბლიკის განვითარებაში განსაკუთრებით დიდია. გაეროს წარმომადგენლობისა და აჭარის მთავრობის ერთობლივი ძალისხმევით, რეგიონში უკვე წლებია ხორციელდება პროექტები ეკონომიკის, სოფლის მეურნეობის, ტურიზმის, ურბანული ტრანსპორტის, ინფრასტრუქტურისა თუ სხვა მიმართულებით.

აღსანიშნავია, რომ ახლახანს აჭარაში ოფიციალური ვიზიტით იმყოფებოდნენ გაეროს ადამიანის უფლებების, ტრანსნაციონალური კორპორაციებისა და სხვა ბიზნეს საწარმოების საკითხებზე სამუშაო ჯგუფი.

საქართველოში სტუმრად მყოფი დელეგაციის შემადგენლობაში გაეროში მიკრონეზიის ფედერალური შტატების, ფინეთის, მარშალის კუნძულების, ესვატინის სამეფოს, სენეგალის, ეკვადორის და დომინიკის რესპუბლიკის მუდმივი წარმომადგენლები არიან.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს