ზუგდიდში, სოფელ გრიგოლიშში დაჭრილი 28 წლის ახალგაზრდა კვლავ მართვით სუნთქვაზეა
ზუგდიდის მუნიციპალიტეტის სოფელ გრიგოლიშში დაჭრილი 28 წლის ალიკა ლაგვილავას მდგომარეობა კვლავ მძიმეა და მართვით სუნთქვაზე რჩება.
„მდგომარეობა მძიმედ რჩება, დინამიკაში გაუარესების გარეშე, მართვით სუნთქვაზე, უგრძელდება შესაბამისი ინტენსიური თერაპია", - აცხადებენ ზუგდიდის საავადმყოფოში.
ლაგვილავას ჭრილობები გულის და მუცლის არეში ცეცხლსასროლი იარაღით აქვს მიყენებული.
შემთხვევა გუშინ საღამოს მოხდა. არსებული ინფორმაცით, დაჭრილი და ბრალდებულიც მმართველი პარტიის მხარდამჭერები არიან და ისინი გრიგოლიშში საარჩევნო შტაბში იმყოფებოდნენ. ადგილობრივის ინფორმაციით, მათ შორის სიტყვიერი კამათი სწორედ იქ დაიწყო.
