პანკისის ხეობის სოფელ ბირკიანში გუშინ მომხდარი დაპირისპირების ადგილზე საგამოძიებო მოქმედებები ამ დრომდე მიმდინარეობს. პოლიციას ტერიტორია ყვითელი ლენტით აქვს შემოსაზღვრული და ექსპერტ-კრიმინალისტები მუშაობენ. მიმდებარედ კი დაცვის პოლიცია დგას.

შეგახსენებთ, რომ პანკისის ხეობაში გუშინ მომხდარი დაპირისპირების შედეგად, ჯამში, სამედიცინო დახმარება გაეწია 55 ადამიანს, მათ შორის 38 პოლიციელს და 17 მოქალაქეს.

შინაგან საქმეთა სამინისტრომ მომხდარზე მოკვლევა დაიწყო.

უწყებამ ოფიციალური განცხადება გუშინვე გაავრცელა. გამოძიება საქართველოს სისხლის სამართლის კოდექსის 353-ე პრიმა და 187-ე მუხლებით დაიწყო, რაც პოლიციელზე თავდასხმას და ცეცხლის წაკიდებით ნივთის დაზიანებას გულისხმობს.