დუშეთის მუნიციპალიტეტის ანანურის ადმინისტრაციულ ერთეულში 2019 წლის სოფლის მხარდაჭერის პროგრამით, მოსახლეობის მიერ დაგეგმილი ინფრასტრუქტურული პროექტები აქტიურ რეჟიმში მიმდინარეობს, - ამის შესახებ „ინტერპრესნიუსს“ დუშეთის მუნიციპალიტეტიდან აცნობეს.

სოფელ ბანცურთკარში ხორციელდება მისასვლელი გზის მოხრეშვის სამუშაოები, ხოლო სოფელ თანდილაანთკარში გაიწმინდა ხევის კალაპოტი. სამუშაოებს აწარმოებს შპს „ჟინვალი“.

სოფელ პავლეურში, ზოტიკიანთკარსა და შალიკიანთკარში, სადაც გარე განათება არასდროს ყოფილა და აღნიშნული ფაქტი მოსახლეობის უსაფრთხო გადაადგილებას ღამით მუდმივ პრობლემას უქმნიდა, ამჟამად მიმდინარეობს გარე განათების მოწყობის სამუშაოები და მას შპს „მური“ ახორციელებს.