მარტვილის მუნიციპალიტეტის სოფელ დიდჭყონში, ადგილობრივ მცხოვრებ დავით მირცხულავას ეძებენ. შუახნის მამაკაცის სამძებრო ღონისძიებები 18 აპრილიდან მიმდინარეობს. ამის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს.

მაარტვილის მერის ალექსანდრე გრიგალავას ინფორმაციით, დაკარგული მამაკაცი ლებარდეს ტერიტორიაზე მეზობელთან ერთად ჯონჯოლის შესაგროვებლად იყო წასული.

„მეზობლებთან ერთად იმყოფებოდა, მაგრამ სახლისკენ ის უფრო ადრე წამოსულა. თანმხლებმა პირებმა რომ მოიკითხეს, აღმოჩნდა, რომ შინ არ იყო მისული“, - აღნიშნა გრიგალავამ.

მისივე ინფორმაციით, სამაშველო სამსახურთან ერთად სამძებრო ღონისძიებებში მერიის წარმომადგენლებიც არიან ჩართული.