ეს იყო სადამსჯელო მისია მთავრობისგან პანკისის ხეობაში, - ასე აფასებენ პანკისის ხეობაში 21 აპრილს განვითარებულ მოვლენებს ადგილობრივები.
პანკისელები სოფელ ჯოყოლოში არიან შეკრებილები და მომხდარი ინციდენტის დეტალებს განიხილავენ.
„ძალოვანმა უწყებამ და ყველამ იცოდა, რომ ხალხი იყო წინააღმდეგი. მიუხედავად ამისა, მაინც განაახლეს სამუშაოები, ხალხი გამოიწვიეს. რომ ამბობენ მონაწილეებს დავსჯითო, მაშინ მოუწევთ მთელ ხეობას მოგვთხოვონ პასუხი. ეს იყო განსაკუთრებული მისია, რაც ჩატარა შინაგან საქმეთა სამინისტრომ. დაკითხონ ვინც უნდათ, მაგრამ არავინ დაიჭირონ“, - განაცხადა ემზარ ტოხოსაშვილმა.