თბილისის სახელმწიფო სამედიცინო უნივერსიტეტს 400 000 ლარის ღირებულების სამედიცინო აპარატურას ჩეხეთის რესპუბლიკის კარიტასი გადასცემს

ჩეხეთის რესპუბლიკის კარიტასი საქართველოში თბილისის სახელმწიფო სამედიცინო უნივერსიტეტის გ. ჟვანიას სახელობის პედიატრიის აკადემიურ კლინიკას 400 000 ლარის ღირებულების სამედიცინო აპარატურას გადასცემს. აპარატურა განკუთვნილია კლინიკის ინტენსიური მოვლის და ნეონატალური განყოფილებებისთვის. ამის შესახებ „ინტერპრესნიუსს“ სამედიცინო უნივერსიტეტიდან აცნობეს.

მათი ინფორმაციით, ღონისძიება შედგება 25 აპრილს და მას დაესწრებიან ჩეხეთის რესპუბლიკის ელჩის მოვალეობის შემსრულებელი ირჟი პრეცლიკი, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე ზაზა ბოხუა, ჩეხეთის რესპუბლიკის კარიტასის წარმომადგენლები, თბილისის სახელმწიფო სამედიცინო უნივერსიტეტის კანცლერი, პროფესორი ზურაბ ორჯონიკიძე და უნივერსიტეტის წარმომადგენლები.

„საქმიანობა შეადგენს ჩეხეთის რესპუბლიკის საერთაშორისო განვითარების სფეროში თანამშრომლობის პროექტის - „ბავშვთა ხანგრძლივი მოვლისა და პალიატიური მზრუნველობის სერვისების დანერგვა საქართველოში“ - ნაწილს, რომელიც ინიცირებულია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ.

პროექტის მიზანია ხანგრძლივი მოვლისა და პალიატიური მზრუნველობის სერვისების განვითარება ინკურაბელური და ქრონიკული დაავადებების მქონე ბავშვებისათვის. ამ მიზნით ჩეხეთის რესპუბლიკის კარიტასი უზრუნველყოფს ჯანდაცვის სამინისტროსთვის ტექნიკურ მხარდაჭერას ბავშვთა ხანგრძლივი მოვლის სერვისების ინსტიტუციურ მოწყობაში, ასევე, აღნიშნულ კლინიკას დახმარებას უწევს ბავშვთა სამედიცინო სერვისების ხარისხის გაუმჯობესებაში.

ღონისძიება დაიწყება 11:00 საათზე თსსუ-ის გივი ჟვანიას სახელობის პედიატრიის აკადემიურ კლინიკაში“, - აღნიშნულია სამედიცინო უნივერსიტეტის მიერ გავრცელებულ ინფორმაციაში.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა