დედოფლისწყაროს მუნიციპალიტეტის მერი ნიკოლოზ ჯანიაშვილი ა (ა) იპ სპორტისა და ახალგაზრდულ საქმეთა ცენტრში იმყოფებოდა და სპორტული ინვენტარი დაათვალიერა, რომელიც ბავშვთა ფეხბურთის განვითარების ფონდმა დედოფლისწყაროს მუნიციპალიტეტს საჩუქრად გადმოსცა. ამის შესახებ „ინტერპრესნიუსს“ დედოფლისწყაროს მუნიციპალიტეტიდან აცნობეს.
მათი ცნობით, ნიკოლოზ ჯანიაშვილმა განაცხადა, რომ სპორტისა და ახალგაზრდულ საქმეთა ცენტრმა მუნიციპალიტეტის მერიის მხარდაჭერით წელს კიკ ბოქსინგისა და უშუ სანდასთვის ტატამიც შეიძინა. სპორტის ეს სახეობები დედოფლისწყაროში ერთ-ერთი ყველაზე წარმატებულია და რესპუბლიკურ თუ საერთაშორისო ტურნირზე არაერთმა დედოფლისწყაროელმა ისახელა თავი.