ბატონო მერო, შპს "ბათუმის წყლიდან" საჯარო ინფორმაციას მივიღებთ თუ არა? ჩვენ მაკონტროლებელი ორგანო ვართ და ინფორმაციაზე წვდომა არ გვაქვს,- ამ სიტყვებით მიმართა ბათუმის საკრებულოში ფრაქცია "ერთიანი ნაციონალური მოძრაობის" თავმჯდომარემ მირდატ ქამადაძემ საკრებულოს სხდომაზე ბათუმის მერს ლაშა კომახიძეს.
მირდატ ქამადაძის განცხადებით, ბათუმის მერიის შპს-ებიდან ოპოზიცია ინფორმაციას ვერ იღებს.
„ჩვენ ვართ მაკონტროლებელი ორგანო და რამდენიმე თვეა ვითხოვთ შპს "ბათუმის წყლიდან" სრულყოფილ საჯარო ინფორმაციას, თუმცა ვერ ვღებულობთ. არ გვაქვს წვდომა, რა ხდება ამ უწყებებში ბატონო მერო! იქნებ გაგვცეთ კონკრეტული პასუხი მივიღებთ ინფორმაციას თუ არა?!"- განაცხადა მირდატ ქამადაძემ.
ამ წუთებში ბათუმის საკრებულოში სხდომა მიმდინარეობს. დეპუტატები დღის წესრიგით გათვალისწინებულ 4 საკითხს განიხილავენ.
შეგახსენებთ, რომ საჯარო ინფორმაციის გამოთხოვის საკითხთან დაკავშირებით საკრებულოს წინა სხდომაზე დეპუტატებს შორის ფიზიკური დაპირისპირება მოხდა.