გაერთიანებული ოპოზიციის ზუგდიდის საარჩევნო შტაბში აცხადებენ, რომ საჯარო მოხელეები არჩევნების გაყალბებაში ჩართული არიან

გაერთიანებული ოპოზიციის ზუგდიდის საარჩევნო შტაბში აცხადებენ, რომ საჯარო მოხელეები ჩართული არიან არჩევნების გაყალბებაში.

როგორც გაერთიანებული ოპოზიციის ერთ-ერთმა ლიდერმა მურთაზ ზოდელავამ დღეს გამართულ ბრიფინგზე განაცხადა, საჯარო მოხელეებს დაევალათ იმ ნათესავების ზუგდიდში დარეგისტრირება, ვინც ზუგდიდში არ ცხოვრობს. მისი მტკიცებით, საჯარო მოხელეებს აღნიშნული დავალება სამეგრელო-ზემო სვანეთის გუბერნატორის მოადგილემ მალხაზ თორიამ, შს მინისტრის მოადგილე ლევან კაკავას მითითებით მისცა.

„როგორც ჩანს „ქართული ოცნება“ არ გამოსწორდება, კვლავ დაიწყეს საჯარო მოხელეების გამოყენება არჩევნების გასაყალბებლად. მათი კონტროლი ადგილზე დაევალა მალხაზ თორიას, რომელიც არის გუბერნატორის მოადგილე და შს მინისტრის მოადგილის ლევან კაკავას უახლოესი მეგობარი. თორიამ ჩაატარა თათბირი, სადაც დაიბარა ყველა საჯარო მოხელე და ღიად უთხრა, რომ ისინი კონტროლდებიან, მათ შორის უშიშროების მიერ. მათ დაევალათ, მოახდინონ თავიანთი ნათესავების მობილიზება, რომლებიც არ არიან ჩაწერილი ზუგდიდის მუნიციპალიტეტში. მათ უნდა დაარეგისტრირონ ახლობლები ზუგდიდში საარჩევნო მიზნებისთვის, რათა არა ზუგდიდელებმა მიიღონ არჩვენებში მონაწილეობა და ხელი შეუშალონ ადგილობრივებს აირჩიონ მათთვის სასურველი მერი. ჩვენ ეს დავაფიქსირეთ იუსტიციის სახლში. ადგილზე მათი კოორდინატორი არის საჯარო მოხელე ელისო ჩემია. როგორც ჩანს მას კონკრეტულად დაევალა, რომ ეს პროცესი მართოს იუსტიციის სახლში. მინდა მალხაზ თორიამ იცოდეს, რომ ყველა ფაქტის შესახებ წვდომა გვაქვს. დეტალურ ინფორმაციას ის საჯარო მოხელეები გვაწვდიან, ვისაც მობეზრდა ამ პირობებში ცხოვრება. მივმართავ იუსტიციის სამინისტროს, რომ დაუყოვნებლივ მიიღოს ზომები“, - აღნიშნა ზოდელავამ.

ზოდელავა გუბერნატორ ალექსანდრე მოწერელიას მოუწოდებს, რომ მან გააკონტროლოს მოადგილეების საქმიანობა, რადგან, მისივე თქმით, ისინი დავალებებს შინაგან საქმეთა სამინისტროდან იღებენ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის