სალომე ზურაბიშვილმა ევროპის საბჭოს საპარლამენტო ასამბლეის პრეზიდენტთან ჟენევის მოლაპარაკებათა ფორმატის გაძლიერების საკითხი დასვა

საქართველოს პრეზიდენტმა სალომე ზურაბიშვილმა, საქართველოში ოფიციალური ვიზიტით მყოფი ევროპის საბჭოს საპარლამენტო ასამბლეის პრეზიდენტი ლილიან მორი პასკიე მიიღო. პრეზიდენტის სასახლეში გამართულ შეხვედრაზე განიხილეს ორმხრივი ურთიერთობების საკითხები და ქვეყანაში დემოკრატიული პროცესების განვითარებაში ევროსაბჭოს როლი. აღნიშნულ ინფორმაციას პრეზიდენტის პრესსამსახური ავრცელებს.

„აღინიშნა, რომ საქართველო ევროსაბჭოს ინსტიტუტებთან წარმატებულად თანამშრომლობს, მათ შორის ვენეციის კომისიასთან, რაც ძალიან მნიშვნელოვანია ქვეყანაში დემოკრატიული რეფორმების თვალსაზრისით. საქართველოს პრეზიდენტმა შეხვედრისას ოკუპირებულ ტერიტორიებზე ადამიანის უფლებების დარღვევის ფაქტებზე გაამახვილა ყურადღება და აღნიშნა, რომ 2008 წლის ომის შემდეგ, ამ მიმართულებით მდგომარეობა გაუარესდა. საუბარი შეეხო ჟენევის საერთაშორისო მოლაპარაკებებს და სალომე ზურაბიშვილმა კიდევ ერთხელ დასვა ჟენევის მოლაპარაკებათა ფორმატის გაძლიერების საკითხი. პრეზიდენტმა განაცხადა, რომ საჭიროა, აღნიშნული ფორმატის მაღალ, პოლიტიკურ დონეზე აყვანა“, -ნათქვამია პრეზიდენტის პრესსამსახურის მიერ გავრცელებულ ინფორმაციაში.

დღესვე პრეზიდენტი, ევროპის საბჭოს საპარლამენტო ასამბლეის პრეზიდენტთან, პრემიერთან და პარლამენტის თავმჯდომარესთან ერთად, საქართველოს ევროპის საბჭოში გაწევრიანების 20 წლის იუბილესადმი მიძღვნილ საზეიმო სხდომაზე სიტყვით გამოვა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ