ნათია კაპანაძის და სულხან სალაძის ბრიფინგზე მცირე ინციდენტი მოხდა

საქართველოს ახალგაზრდა იურისტთა ასოციაციის ბათუმის ოფისში, სადაც საზოგადოებრივი მაუწყებლის აჭარის ტელევიზიისა და რადიოს ყოფილი დირექტორის ნათია კაპანაძის და სულხან სალაძის ბრიფინგი მიმდინარეობდა, მცირე ინციდენტი მოხდა. ბრიფინგზე საქართველოს ახალგაზრდა იუსრისტთა ასოციაციის თავმჯდომარე სულხან სალაძესა და აჭარის ტელევიზიის საინფორმაციო სამსახურის ოპერატორს შორის სიტყვიერი დაპირისპირება მოხდა.

ბრიფინგზე სულხან სალაძემ განაცხადა, რომ ნათია კაპანაძის თანამდებობიდან გადაყენების შემდეგ, საინფორმაციო სამსახურის ოპერატორებმა, რომლებიც სახელფასო პირობების გაუმჯობესებას ითხოვდნენ, პროტესტი შეწყვიტეს. სულხან სალაძის თქმით, ოპერატორების პროტესტის შეწყვეტამ პროცესების გარე ძალების მიერ მართვისკენ მიუთითა.

აჭარის ტელევიზიის საინფორმაციო სამსახურის ოპერატორმა ლაშა ჯოყილაძემ განაცხადა, რომ სულხან სალაძის ბრალდებას ვერ მიიღებს. მისი თქმით, ოპერატორების პროტესტის დროს არასამთავრობო ორგანიზაციის წარმომადგენელი მათთან არ მისულა და ოპერატორების პროტესტით არ დაინტერესებულა.

ლაშა ჯოყილაძის თქმით, სახელფასო პირობების გაუმჯობესებას საინფორმაციო სამსახურის ოპერატორები იანვრიდან ითხოვენ და აღნიშნული პროტესტი ყოფილი დირექტორისთვის ახალი არ იყო.

საზოგადოებრივი მაუწყებლის აჭარის ტელევიზიისა და რადიოს ყოფილი დირექტორი ნათია კაპანაძე ბორდის გადაწყვეტილებას დღეს გაასაჩივრებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა