სერგო რატიანი - ინფრასტრუქტურის პრობლემა „ქართული ოცნების“ სავიზიტო ბარათია

ინფრასტრუქტურის პრობლემა „ქართული ოცნების“ სავიზიტო ბარათია, - ამის შესახებ „ევროპული საქართველოს“ წევრმა სერგო რატიანმა, პლენარულ სხდომაზე, ჭიათურაში, ოზუგეთსა და მარნეულში არსებულ პრობლემებზე საუბრისას განაცხადა.

მისი თქმით, „ქართულ ოცნებაში“ ტრადიციად იქცა, რომ ინფრასტრუქტურული პროექტებისთვის განკუთვნილი ტენდერები იშლება.

„მოგეხსენებთ, რომ ამ რაიონებში მიმდინარეობს ადგილობრივი არჩევნები და „ევროპული საქართველოს“ კანდიდატები იღებენ მონაწილეობას. ისინი საუბრობენ პრობლემებზე და უნდა ვთქვათ, რომ პრობლემები გარკვეულწილად არის ერთგვაროვანი. ინფრასტრუქტურის პრობლემა ზოგადად სავიზიტო ბარათია „ქართული ოცნების“. მაგალითად დავით ჭუმბურიძე ჭიათურაში საუბრობს იმაზე, რომ 2018 წელს, ჩაშლილი ტენდერების რაოდენობა არის 4 მილიონზე მეტი. აქედან კი, სამ მილიონზე მეტი, არის ინფრასტრუქტურის პროექტები და შესაბამისად, ნებისმიერი ასეთი ჩაშლილი პროექტი ნიშნავს, კონკრეტული ინფასტრუქტურული პროექტების გადადებას და პრობლემების მოუგვარებლობას.

„ქართული ოცნების“ ადგილობრივმა ხელისუფლებამ მოახერხა, რომ იანვრიდან აპრილის ჩათვლით, ჭიათურაში ჩაშლილია მილიონნახევარი ღირებულების ტენდერი, რაც სერიოზული პრობლემაა. ასევე, მაგალითად ოზურგეთში უნდა ვთქვათ, რომ აქ განსაკუთრებულად დიდია ეს თანხა. 7 მილიონზე მეტი ვერ დაიხარჯა, ფაქტობრივად, ჩაიშალა ეს ტენდერები და ვერ წარმომიდგენია რას აკეთებენ აქ ადგილობრივი მაჟორიტარი დეპუტატები, რომლებიც უნდა ლობირებდნენ იმას, რომ მეტი თანხა მოიზიდონ საკუთარ საარჩევნო ოლქებში“, - განაცხადა სერგო რატიანმა.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა