რუსთავის ეპარქია ჭყონდიდელის დასახლებაში ციხის მშენებლობასთან დაკავშირებით პროტესტს გამოთქვამს და მრევლს აქციაში მონაწილეობისკენ მოუწოდებს

რუსთავის ეპარქია ჭყონდიდელის დასახლებაში სასჯელაღსრულების დაწესებულების მშენებლობასთან დაკავშირებით, განცხადებას ავრცელებს და მოუწოდებს მრევლს, ხვალ დაგეგმილ აქციაზე მივიდეს.

,,ქალაქ რუსთავის მართლმადიდებელი ეპარქია და მისი მრევლი გამოთქვამს მტკიცე პროტესტს რუსთავში, ჭყონდიდელის დასახლებაში, სამაჩაბლოს ომში დაღუპული გმირის გიორგი ჯავახიშვილის სახელობის ქუჩის გასწვრივ, საცხოვრებელი კორპუსების წინ, სასჯელაღსრულებითი დაწესებულების ობიექტის – ციხის მშენებლობასთან დაკავშირებით, რისთვისაც მოუწოდებს ეკლესიის მრევლს, ქალაქში მცხოვრებ ყველა მოქალაქესა და დაინტერესებულ პირს, მიმდინარე წლის 2 მაისს, ბრწყინვალე შვიდეულში, ხუთშაბათს, 17:00 საათზე, საკუთარი პროტესტის გამოსახატად სოლიდარობისთვის მობრძანდეთ ზემოთ აღნიშნულ მისამართზე", - ნათქვამია სპეციალურ განცხადებაში, რომელიც რუსთავის ეპარქიის ოფიციალურ ფეისბუქგვერდზეა განთავსებული.

რუსთავის მოსახლეობის ნაწილი, სამოქალაქო აქტივისტები და არასამთავრობო სექტორი, ჭყონდიდელის დასახლებაში ციხის მშენებლობას აპროტესტებს. სამოქალაქო აქტივისტების აქცია 2 მაისს, 16:00 საათზე აქვთ დაგეგმილი.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება